Ағиҙел
-15 °С
Болотло
75 лет Победы
Бөтә яңылыҡтар

Хатта Гулливерҙарҙан да Лилипуттар тыуа.

ШАР Ел осорған шар артынан Йүгергән малай кеүек, Минең йөрәгем һаман да Хыял ҡыуалай кеүек. Ана тотам, бына тотам Тик бер генә уҡталһам...

Мин йүгергән һайын ҡаса,
Туҡтай, әгәр туҡталһам.


"Тота яҙып ҡына ҡалдым!"-
(Шуға ла шатланаһың!)
Өмөтләнеп, тағы ҡыуаң, -
Шар ғына шартламаһын...


***
Йылғалар хәҙер һайыҡты,
Күктәр шундай тәпәш.
Аҡ һаҡаллы ҡарттары ла
Сабый менән йәштәш.


Бөркөттәр ҙә, йыландар ҙа
Ерҙә генә шыуа.
Хатта Гулливерҙарҙан да
Лилипуттар тыуа.


Тәхеттәр ҙә кесерәйҙе
Һәм бәләкәй тажы.
Үҙ башына үлсәп ҡарай
Уны һәр бер таҙы.


Ер шары ла усҡа һыйыр, -
Тәтәй ҡурсаҡ ҡына.
...Тик үҫкәндән-үҫә бара
Бары ҡорһаҡ ҡына...

***

Әйткәндәй... Сайттың яңылыҡтарын ваҡытында белер өсөн беҙҙең "ВКонтакте"лағы төркөмгә яҙылығыҙ!
Читайте нас в