Ағиҙел
-13 °С
Болотло
75 лет Победы
Бөтә яңылыҡтар

ӘКИӘТ ТҮГЕЛ...

Өлкәнәйә барған һайынӘкиәткә тартылам:Эх, эйәреп китке киләСерле йомғаҡ артынан.

Йомро-йомро был йомғағым
Тәгәрәр ҙә тәгәрәр...
Мин ҡалмам, һинең яныңа
Ул алып барһа әгәр.


Һин ташларһың тарағыңды, -
Араға ҡалҡыр урман.
Мин уны йырып сығырмын,
Ҡартайҙым, тиеп тормам.


Арабыҙҙа күлдәр йәйрәр,
Ташлаһаң һин көҙгөңдө.
Йөҙөп сығам, тик бер генә
Күрер өсөн йөҙөңдө.


Эх, был ғүмер тигәндәрең
Әкиәт кеүек үткән.
Йомро-йомро шул йомғағым
Мөхәббәт булды микән!?
***

Әйткәндәй... Сайттың яңылыҡтарын ваҡытында белер өсөн беҙҙең "ВКонтакте"лағы төркөмгә яҙылығыҙ!
Читайте нас в