Бөтә яңылыҡтар
11 Октябрь 2019, 04:00

ТӨНДӘЛЕКТӘР... Әгәр яҙғанда тетрәнмәһәң, уҡыусы һине һанға һуҡмаясаҡ. “Атай еҫе”н яҙыр өсөн тормошто үтәләй күрергә кәрәк.

Төндәлектәр... Әгәр яҙғанда тетрәнмәһәң, уҡыусы һине һанға һуҡмаясаҡ. “Атай еҫе”н яҙыр өсөн тормошто үтәләй күрергә кәрәк. Әгәр яҙғаныңдан үҙең тетрәнмәһәң, уҡыусы әҫәреңде бар тип тә белмәйәсәк. Иң тәүҙә бәләкәй генә статистика. Баймаҡтан Заһиҙә Мусинаның “Атай еҫе” исемле бәләкәй генә хикәйәһен баҫтыҡ. Бер тәүлек эсендә өс йөҙләп кеше уҡыны. Заһиҙә яңы яҙырға өйрәнһә лә тәжрибәле әҙиптәр һымаҡ фекер йөрөтә. Уның яҙған хикәйәһен тетрәнмәй уҡыуы мөмкин түгел.

Әгәр яҙғаныңдан үҙең тетрәнмәһәң, уҡыусы әҫәреңде бар тип тә белмәйәсәк. Иң тәүҙә бәләкәй генә статистика. Баймаҡтан Заһиҙә Мусинаның “Атай еҫе” исемле бәләкәй генә хикәйәһен баҫтыҡ. Бер тәүлек эсендә өс йөҙләп кеше уҡыны. Заһиҙә яңы яҙырға өйрәнһә лә тәжрибәле әҙиптәр һымаҡ фекер йөрөтә. Уның яҙған хикәйәһен тетрәнмәй уҡыуы мөмкин түгел.
...Бәләкәй генә ғаилә фажиғәһе. Ҡатын ҡыҙын эйәртеп, ике сумкаһын тотоп, айырылып ҡайтып бара. Ҡайнағаһы килеп керә. Шул ваҡыт ҡыҙ илап ебәрә. Иламаҫлыҡ түгел, ҡайнағанан еҫ килә, ир еҫе, таныш атай еҫе. Күп булһа, был ир өйҙә иҫереп ятып ҡалғандыр, әлбиттә, ул эшһеҙ, бәлки ялҡауҙыр ҙа. Ләкин ул ҡыҙҙың атаһы. Сабый ҡыҙ бала юҡҡа иламай, ул күҙ алдында атаһын юғалта. Заһиҙә атай кешене күрһәтеп, сурытып тормай. Сөнки таныш еҫкә күңеле тулып, буҫығып илаған ҡыҙҙың күҙ йәштәре бөтәһен дә һөйләй. Ҡасандыр бәхетле ғүмер кисергән ғаилә юҡ, әсәй эшһеҙ, ҡыҙыҡай атайһыҙ.
Ә юлдар ышығында олоғара фажиғә. Атай кеше үҙенә ҡул һаласаҡ, ҡыҙҙы хәҙер кем ҡарар? Шунан да ҙурыраҡ фажиғәнең булыуы мөмкинме? Заһиҙә яҙып ҡына ҡалмай, ул ҡыҙ менән бергә ҡайғыра һәм башҡаларҙы иҫкәртә.
Бер-берегеҙҙе һаҡлағыҙ!