-6 °С
Болотло
Бөтә яңылыҡтар
Әҙип тормошо
26 Апрель 2019, 17:52
Көләмәс артынан көләмәс... Рәшит ағайҙы юҡһынғанда.
Хөрмәтле уҡыусылар! Иғтибар иткәнһегеҙҙер, яҙғандарыбыҙ, һөйләгәндәребеҙ яҙыусылар донъяһына, әҫәрҙәренә, тормоштарына туранан-тура мөнәсәбәтле. “Ағиҙел” менән “Һәнәк”тең тәғәйенләнеше лә шул юҫыҡта бит.
Яҙыусы халҡы үҙе хаҡындағы көләмәстәрҙе, мәрәкәләрҙе, лаҡаптарҙы төрлөсә ҡабул итә. Үрле-ҡырлы һикереп шатланғандары тойолмай, ишетһәләр, тыныс йә битараф, һәр хәлдә бит тырнашып йөрөгәндәр һирәк. Шуға күрә, мөмкинлектән файҙаланып, үҙемдән башлайым. Миңә ҡағылғандары, ғәҙел һәм үткер булһа, үҙемә оҡшай. Сәбәбен аҙаҡ үҙегеҙ аңларһығыҙ.
1999 йылдың яҙында миңә “Башҡортостан” гәзитенең баш мөхәррире вазифаһын тәҡдим иттеләр. Эшләй аламмы, юҡмы, ул хаҡта һүҙ юҡ, баш тартыуҙың булыуы мөмкин түгел, үҙем икеләнәм. Ҡайҙа барайым, унлап дәғүәсе араһынан миңә, үҙ хәбәрсегә, өҫтөнлөк биргәндәр. Иң тәүҙә Рәшит ағай Солтангәрәев менән кәңәшләштем. “Ризалаш, эшләй алаһың!” – тине ҡәтғи итеп. Мин ризалаштым.
Килеүемә Рәшит ағайҙың минең хаҡта көләмәсе ишек төбөндә көтөп тора ине. Уның баҫылғаны, донъя күргәне юҡ, шул осор ишеткәндәр онотҡандыр, шуға иҫегеҙгә төшөрәм. Ул бик бәләкәй, уның ҡарауы, тос һәм үткер.
Йәнәһе, мин, яңы вазифаға тәғәйенләнгән етәксе баш мөхәррир кабинеты ишеген шаҡып торам һәм “Абдулла Ғиниәтович! Юҡ... Мансур Әнүәрович! Түгел... Тәлғәт Ниғмәтуллович! Юҡ! Кем әле?.. Ғәлим Афзалович! Юҡ... Шайтан алғыры, хәҙер бында мин ултырам да баһа!” – тип һөйләнәм икән.
Рәшит ағай бик нескә тотоп алған. Сөнки тәүге көндәрҙә тап шулай булды ла. Был көләмәстең фәһемле генә дауамы бар.
– Мырҙам, һинең хаҡта көләмәсте китапҡа индерҙем, үпкәләмә. Әгәр риза булмаһаң, хаҡын беләһең, – тине Рәшит ағай.
Хаҡын һөйләштек, бик арзан булды.
– Х. ла бер ярты ҡуйҙы, – тине Рәшит ағай.
– Х. тураһында көләмәс бар ҙа инде китапта, – тим аптырап.
– Юҡ, – тине ул, – һинең хаҡта көләмәсте индермәйем тигәйнем, ҡалһын, тип бер ярты килтерҙе.
– Уға нимәгә кәрәк инде?
– Һинең минең хаҡтағы көләмәсең миңә иң яҡшы реклама, –тине.
Бына шулай бер көләмәстән икенсеһе килеп сыҡты.
...Яҙыусыларҙың бер съезында, иҫәп комиссияһы эшләгән арала, Рәшит ағай трибунанан тороп бер сәғәт самаһы көләмәстәрен һөйләне. Ике йөҙләп яҙыусы тәгәрәп ятып көлдө.
* * *
...Съезд бөткәс Мостай Кәрим шым ғына килеп: “Рәшит, минең хаҡта бармы?” – тип һораған. “Юҡ, Мостай ағай, сығарайыммы?” – тигән Рәшит ағай. “Юҡ, юҡ, кәрәкмәй, сығарма”, – тигән ҡыуанып Мостай ағай.
* * *
...“Минең хаҡта көләмәсең бармы?” – тип һораған М. Ә. “Мин яҙыусыларға ғына сығарам”, – тип яуап биргән Рәшит ағай.
* * *
Алдағы көндәрҙә, Аллаһ бойорһа, яҙыусылар хаҡында көләмәстәргә йыш ҡына әйләнеп ҡайтырбыҙ әле. Рәшит ағай сығарғандарын да иҫкә төшөрөрбөҙ. Тормош дауам итә, һәр замандың үҙ көләмәсе, үҙ батырҙары. Тик үпкәләштән булмаһын ине. Шуны иҫтә тотайыҡ: һөйләйҙәр икән, тимәк, онотмағандар. Хәтерҙән юйылмауҙары ла насар түгел бит әле.
Читайте нас:
© 2024 Сайт издания "Агидель"
Издатель: Государственное унитарное предприятие Республики Башкортостан Издательский дом
«Республика Башкортостан».
Адрес: 450079, Республика Башкортостан, г. Уфа, ул. 50-летия Октября, 13.
Журнал зарегистрирован Управлением Федеральной службы по надзору в сфере связи, информационных технологий и массовых коммуникаций по Республике Башкортостан
(Управлением Роскомнадзора по Республике Башкортостан).
Свидетельство ПИ № ТУ 02-01565 от 31.10.2016 г.
Журнал Башҡортостан Республикаһының Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттә теркәлде.
Таныҡлыҡ ПИ № ТУ 02-01565 31.10.2016 йылдан.
Редакция хеҙмәткәрҙәре
Мөнир Сәхиулла улы ҠУНАФИН - баш мөхәррир
Әхмәр ҒҮМӘР-ҮТӘБАЙ - баш мөхәррир урынбаҫары
Луиза КИРӘЕВА - яуаплы сәркәтип
Гөлнара ХӘЛФЕТДИНОВА - бүлек мөхәррире
Салауат ӘБҮЗӘР - бүлек мөхәррире
Илнур ЮЛБАРЫҪОВ - бүлек мөхәррире
Миңзәлә АСҠАРОВА - сайт буйынса өлкән мөхәррир
Дилбәр ИШМОРАТОВА - өлкән корректор
Фәрзәнә ТУЛЫБАЕВА - биҙәлеш мөхәррире
Мөхәрририәт
Айгиз БАЙМӨХӘМӘТОВ
Таңсулпан ҒАРИПОВА
Гөлсирә ҒИЗЗӘТУЛЛИНА
Неля ҒӘЙНЕТДИНОВА
Тамара ҒӘНИЕВА
Әхмәр ҒҮМӘР-ҮТӘБАЙ
Йомабикә ИЛЬЯСОВА
Луиза КИРӘЕВА
Зөлфиә ХАННАНОВА
Гөлнара ХӘЛФЕТДИНОВА
Салауат ӘБҮЗӘР
Әмир ӘМИНЕВ
Азамат ЮЛДАШБАЕВ
Гөлнур ЯҠУПОВА
Банкта беҙҙең реквизиттар: журнал «Агидель», ИНН:0278066967/КПП027843012
БИК:048073770
к/с 30101810600000000770
р/счет №40602810200000000009
Филиал ПАО “БАНК УРАЛСИБ” в г. Уфа
Телефон
8(347)2-92-77-66
Электрон почта
Адресы
г. Уфа, ул. 50 лет Октября, 13, 5-й этаж
Реклама хеҙмәте
8(347)2-92-77-66
Редакция
8(347)2-92-77-66
Ҡабул итеү бүлмәһе
8(347)2-92-77-66