Ағиҙел
-14 °С
Болотло
75 лет Победы
Бөтә яңылыҡтар
Әҙип тормошо
13 Ноябрь 2018, 14:53

Әҙиптәр һәм мәҙәктәр -1.

Салауат ӘБҮЗӘРҙән әҙиптәр мәҙәктәре! “Не хотим!” Яҙыусы Сабир Шәрипов менән редакция бүлмәһендә ултырабыҙ. Үзбәктәр бүлмәнән-бүлмәгә йөрөп, емеш-еләк менән һатыу итә. Бер ҡараҡай ғына апай килеп инде: – Ананас не хотите? Сабир ағай уға баштан-аяҡ күҙ йүгертеп сыҡты ла, әйтеп ҡуйҙы:– А на вас... не хотим!..

Сәс

Рәшит Солтангәрәев ағайға ялтыр башлы ҡәләмдәше төрттөрөбөрәк әйтә икән:

– Рәшит туған, сәсең ағарған икән дә!..

Ағайыбыҙ бының пеләш башына ҡарап торған да:

– Аҡ булһа ла сәс бит әле ул, – ти.


“Ошонда хәл итәйек!”

Өфөнөң “Нефтселәр” мәҙәниәт һарайында башҡорт йәштәре иттифағының йыйыны бара. Һүҙ – милләттең кәмеүе хаҡында. Күренекле ғалим Рәшит Шәкүр сығыш яһай. Халыҡ һанын арттырыу тураһында байтаҡ ҡына һөйләгәндән һуң, әйтеп ҡуйҙы:

– Был мәсьәләне оҙонға һуҙмай, ошонда хәл итәйек...


“Күсереп килтерермен...”

“Ағиҙел” редакцияһына бер ағай килеп инде:

– Хикәйә килтергәйнем.

– Бик һәйбәт! – тине бүлек мөдире Гөлнур Яҡупова.

– Тик татарса. Бармаймы?

– Барамы, юҡмы икәнен уҡып ҡарағас әйтермен.

– Бына әле генә үҙнәшер менән китап булып сыҡты, – тип китабын һондо ағай.

– Китапта сыҡҡан әҫәрҙәрҙе журналда баҫмайбыҙ, – тине Гөлнур апай.

– Ә-ә... Улай булғас, күсереп алып килермен инде...



“Хорошо!”

Бер яҙыусы телефондан һөйләшкәндә һәр саҡ “Хорошо” тип ҡабатларға ярата. Сабир Шәрипов шылтырата уға:

– Хәлдәр нисек?

– Хорошо!..

– Ҡарале, фәлән яҙыусы үлеп киткән бит...

– Хорошо!..
Читайте нас в