Беҙгә Ғәҙилә Мөҙәрис ҡыҙының фекерҙәре оҡшай! Оҡшамаһа, ни эшләр инек икән?

Хәҙерге әҙәбиәт тураһында фекер йөрөтөү хатта журналда эшләүселәргә лә еңел түгел. Күптән түгел вафат булған Рауил ағай Бикбаев беҙҙән йыш ҡына: “Эштәрегеҙ нисек, журнал сығамы, яҙыусылар яҙамы, әҙәби процесс барамы?” – тип һорай ине. Күп яҡлы, эске борсолоу менән һуғарылған, әҙәбиәттең киләсәге өсөн ысын күңелдән янған кешенең һорауҙары. Әлегә беҙ Рауил ағай йөҙөндә ниндәй юғалтыу кисереүебеҙҙе аңлап та етмәйбеҙ шикелле. Яңы йылдан һуңғы шылтыратыуҙарының береһендә: “Рәшит күренмәйме, Рәшит Солтангәрәев килмәнеме?” – тип юҡҡа ҡәләмдәшен эҙләмәгәндер.

Әҙәби процесс барамы? Һуңғы ҡыуаныстарының береһе – Салауат Әбүзәрҙең “Кисенбикә юлы” повесына ҡағылышлы ине. Ағай уҡыған, оҡшатҡан. “Салауат тағы ла яҙһын ине”, – тигән теләк белдерҙе. Һәр уңышыбыҙға ҡыуанған, әгәр киреһенсә булһа, ихлас борсолған ағайыбыҙ урынын кем биләр? Әлбиттә, иң еңеле, ана, уға тиклем дә байтаҡ яҙыусылар китте, уларҙың урыны буш ҡалманы, алмашҡа килеүселәр ҙә табылды, тип үҙ-үҙеңде тынысландырырға ынтылыу. Юҡ шул, һәр шәхес үҙенсәлекле, бер кемде лә алыштырыу мөмкин түгел. Мостай Кәрим, Рәми Ғарипов, Булат Рафиҡов, Ғәли Ибраһимов, Яныбай Хамматов, Зәйнәб Биишева, Рәшит Солтангәрәев, Рәшит Назаров, Сабир Шәрипов һәм башҡа бик күп әҙиптәр, ысынлап та, әҙәбиәттең йөҙөн билдәләй ине.

Эйе, өй һайын тип әйтерлек “Ағиҙел”, “Һәнәк” журналдары, “Башҡортостан” гәзите таралған осорҙар хәҙер әйләнеп ҡайтмаҫ инде, тип уфтанырға ғына ҡаламы? Уҡыусыларыбыҙҙың әҙәбиәткә иғтибарын нисек яңынан яуларға? Ғәҙилә Мөҙәрис ҡыҙы дөрөҫ әйтә: “Насар әҫәр менән уҡыусыларығыҙҙы өркөтөп бөтмәҫһегеҙме?”. Бар ундай хәүеф, икеләндерә, уйландыра. Ярай әле Башҡортостаныбыҙҙың райондарында һәм ҡалаларында “Ағиҙел”де яратҡан дуҫтарыбыҙ бар. Улар ярҙамында бөгөн журналды ике меңләп тираж менән таратабыҙ. Былтыр октябрҙә Салауат Әбүзәрҙең “Кисенбикә юлы” повесы донъя күргәйне. Интернетта ғына өс меңдән ашыу кеше уҡыны. Йәмғеһе биш меңдән ашыу кеше уҡыған. Һис тә насар түгел, тимәк, әҙиптәр яҙа, әҙәби процесс дауам итә, тип ҡыуанабыҙ.

Үткән йылдарҙа Ғәлим Хисамовтың ике романы, Ринат Камалдың, Наил Ғәйетбайҙың романдары һәм башҡаларҙың әҫәрҙәре донъя күрҙе. Башҡортостандың 100 йыллығы айҡанлы ғына дүрт роман ижад итте яҙыусыларыбыҙ. Киләһе йылға – Бөйөк Еңеүҙең 75 йыллығы. Талантлы прозаик Рәсүл Байгилдин сағыу һәм тос әҫәрҙәр менән килә. Һуғыш ҡағылмаған ғаиләләр юҡ. Атай-олатайҙары хаҡында әҫәрҙәр, тетрәндергес хәтирәләр менән уртаҡлашырға теләүселәр табылыр, тигән өмөттәбеҙ.

Шулай ҙа, уңышлымы, уңышһыҙмы, бер нисә әҫәр аша ғына дөйөм әҙәбиәт хаҡында фекер йөрөтмәйек. Иң шәп әҫәр әле яҙылмаған, тип үҙебеҙҙе тынысландырайыҡ.

Әгәр мөмкин булһа, фекер алышырға саҡырабыҙ.

Читайте нас:

© 2024 Сайт издания "Агидель"
Издатель: Государственное унитарное предприятие Республики Башкортостан Издательский дом
«Республика Башкортостан».
Адрес: 450079, Республика Башкортостан, г. Уфа, ул. 50-летия Октября, 13.

Журнал зарегистрирован Управлением Федеральной службы по надзору в сфере связи, информационных технологий и массовых коммуникаций по Республике Башкортостан
(Управлением Роскомнадзора по Республике Башкортостан).
Свидетельство ПИ № ТУ 02-01565 от 31.10.2016 г.
Журнал Башҡортостан Республикаһының Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттә теркәлде.
Таныҡлыҡ ПИ № ТУ 02-01565 31.10.2016 йылдан.

Редакция хеҙмәткәрҙәре
Мөнир Сәхиулла улы ҠУНАФИН - баш мөхәррир
Әхмәр ҒҮМӘР-ҮТӘБАЙ - баш мөхәррир урынбаҫары
Луиза КИРӘЕВА - яуаплы сәркәтип
Гөлнара ХӘЛФЕТДИНОВА - бүлек мөхәррире
Салауат ӘБҮЗӘР - бүлек мөхәррире
Илнур ЮЛБАРЫҪОВ - бүлек мөхәррире
Миңзәлә АСҠАРОВА - сайт буйынса өлкән мөхәррир
Дилбәр ИШМОРАТОВА - өлкән корректор
Фәрзәнә ТУЛЫБАЕВА - биҙәлеш мөхәррире

Мөхәрририәт
Айгиз БАЙМӨХӘМӘТОВ
Таңсулпан ҒАРИПОВА
Гөлсирә ҒИЗЗӘТУЛЛИНА
Неля ҒӘЙНЕТДИНОВА
Тамара ҒӘНИЕВА
Әхмәр ҒҮМӘР-ҮТӘБАЙ
Йомабикә ИЛЬЯСОВА
Луиза КИРӘЕВА
Зөлфиә ХАННАНОВА
Гөлнара ХӘЛФЕТДИНОВА
Салауат ӘБҮЗӘР
Әмир ӘМИНЕВ
Азамат ЮЛДАШБАЕВ
Гөлнур ЯҠУПОВА

Банкта беҙҙең реквизиттар: журнал «Агидель», ИНН:0278066967/КПП027843012
БИК:048073770
к/с 30101810600000000770
р/счет №40602810200000000009
Филиал ПАО “БАНК УРАЛСИБ” в г. Уфа

Телефон

8(347)2-92-77-66

Электрон почта

[email protected]

Адресы

г. Уфа, ул. 50 лет Октября, 13, 5-й этаж

Реклама хеҙмәте

8(347)2-92-77-66

Редакция

8(347)2-92-77-66

Ҡабул итеү бүлмәһе

8(347)2-92-77-66