-4 °С
Болотло
Бөтә яңылыҡтар
Әҙәби тәнҡит
27 Апрель 2018, 12:45
"АҒИҘЕЛ"ДЕҢ 5-СЕ ҺАНЫНА КҮҘӘТЕҮ
Бына көттөрөп килгән сыуаҡ яҙ ҙа журналыбыҙҙың бишенсе һанын көтөп алаһығыҙ. Ниндәй материалдар менән йәлеп итә һуң май һаны?
Бына көттөрөп килгән сыуаҡ яҙ ҙа журналыбыҙҙың бишенсе һанын көтөп алаһығыҙ. Ниндәй материалдар менән йәлеп итә һуң май һаны? Әлбиттә, май тигәс, иң тәүҙә Бөйөк еңеү байрамы иҫкә төшә. Шуға күрә Социалистик Хеҙмәт геройы, бөйөк яҙыусы Михаил Шолоховтың “Нәфрәт” хикәйәһе 5 йылға һуҙылған ыҙалы һуғыштың ысын йөҙөн һүрәтләй, улай ғына түгел, фашлай. Бик ҙур психологик һәм патриотик көскә эйә был әҫәр 1942 йылдың июнендә “Правда”, ә бер нисә көндән бөтә фронт гәзиттәрендә баҫыла.
Шиғриәт мөмбәрендә, бер олоно бер кесене тыңла тигәндәй Салауат Рәхмәтулла менән Зөһрә Үтәғолова майҙан тота.
Май айында юбилейҙар ҙа байтаҡ. Мәҫәлән, Сафуан Яҡшығоловтың әҙәби һәм рухи, шул уҡ ваҡытта сетерекле яҙмышын, яҡты мираҫын шағирә Лариса Абдуллина һынландырһа, талантлы шағир, драматург, арабыҙҙан иртә киткән Рәмил Ҡолдәүләткә ҡәләмдәштәре, тыуыуына 60 йыл тулыу айҡанлы, эскерһеҙ бағышлауҙар тәҡдим итә, академик Ғиниәт Ҡунафин иһә халыҡ шағиры Тимер Йосопов ижады хаҡында төпсөрләп яҙа. Хәҙер инде Рәмил Ҡолдәүләткә арналған шиғри юлдарҙы тыңлайыҡ. Рәйес Түләк менән Әхмәр Үтәбай түбәндәгеләрҙе яҙҙы:
Рәмил Ҡолдәүләткә
Аласыҡ
Минең салон – өскә-өс ашхана,
Шиғыр уҡый йәп-йәш шағирҙар.
Килер бер көн, былар ижадына
Диссертациялар яҙырҙар.
Әле улар эре, шундай һере,
Бер ҡатлылыҡ ҡатыш бөйөктәр.
Әргә түҙә, хыялдарҙа йөҙә –
Ҡулса һалынмаған кейектәр.
Үҙҙәре лә белмәй кемлектәрен,
Кәмһеткәнен ғәмһеҙ замандың.
Усағына эркелешкән була
Өйрәләре шыйыҡ ҡаҙандың.
Минең салон – өскә-өс кухняның
Тотҡаһында нисә пегас-тай.
Ялдар көмөш, йүгән генә йүкә,
Эйәрҙәрҙә илһам һулҡылдай.
Маһайыулы шағирҙар ҙа бар ул,
Беҙҙең һарай – салон-аласыҡ.
Олимп тауға илтер юл асалы,
Аласыҡҡа ишек гел асыҡ.
Шәйехзада Бабич премияһы лауреаты Зөлфиә Ханнанова ла замандашы хаҡында моңһоу ҙа, ғорур ҙа хәтирәләргә бирелә.
Рәмил, Рәйес, Ғәбиҙулла...
Өндә – һеҙ юҡ, төштәремдә
Өндәшһәгеҙ нимә була?!
Һағындыра ағайҙарым:
Рәмил, Рәйес, Ғәбиҙулла.
Өсөгөҙ ҙә иртә китте,
Үкһеҙ ҡалды улдарығыҙ.
Күңелемде шаҡып, илай
Яҙылмаған юлдарығыҙ.
Рәмил, Рәйес, Ғәбиҙулла,
Өнөмдә – юҡ, төштәһегеҙ,
Ни әйбергә тотонһам да
Иҫтәремә төшәһегеҙ.
Һеҙҙең әрнеү беҙгә күсте,
Ауыр икән күтәргеһеҙ.
Һеҙ әйтерҙе әйтеп бөткәс
Килермен мин. Көтәрһегеҙ...
Һеҙ бит мине өйрәттегеҙ:
Былай яҙма, яҙ тегеләй!
Остаздарым! Һәр берегеҙ
Булған алтын бөртөгөләй!
Ағайҙарым! Яндарымда
Һеҙ юҡлыҡтан йән һыҙыла:
Беҙгә терәү инегеҙ һеҙ,
Илдә берәү инегеҙ һеҙ,
Рәмил, Рәйес, Ғәбиҙулла...
Ошо уҡ һанда халыҡ шағиры Гөлфиә Юнысова хәтирәләренең аҙағын да, үҙегеҙҙең бала саҡтарығыҙҙы иҫкә төшөрөп, йотлоғоп уҡырһығыҙ.
Шулай уҡ “Әҙип тормошонда” күренекле яҙыусы Айһылыу Йәғәфәрова менән әңгәмә лә, Әхмәр Үтәбайҙың хеҙмәт һәм һуғыш ветераны, даны алыҫтарға таралған уҙаман Хөрмәт Хәсәнов тураһындағы һүрәтләмәһе лә ифрат уҡымлы. Сатира һәм юмор кәштәһендә Мансаф Ғиләжевтең юморескалары өлкән йәштәге әҙипкә 85 йәше тулыу уңайынан баҫыла.
Йәмле йәй яҡынлаша... Мәктәптәрҙә һуңғы ҡыңғырауҙар сыңлаясаҡ. Күптәр баҡсаларына ашыға, йәштәр иһә илдән илгә интурист булып сәфәрҙәргә сыға. Һәммәгеҙгә лә хозур йәй теләйбеҙ.
Күҙәтеүҙе Сабир Шәрипов әҙерләне.
Читайте нас:
© 2024 Сайт издания "Агидель"
Издатель: Государственное унитарное предприятие Республики Башкортостан Издательский дом
«Республика Башкортостан».
Адрес: 450079, Республика Башкортостан, г. Уфа, ул. 50-летия Октября, 13.
Журнал зарегистрирован Управлением Федеральной службы по надзору в сфере связи, информационных технологий и массовых коммуникаций по Республике Башкортостан
(Управлением Роскомнадзора по Республике Башкортостан).
Свидетельство ПИ № ТУ 02-01565 от 31.10.2016 г.
Журнал Башҡортостан Республикаһының Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттә теркәлде.
Таныҡлыҡ ПИ № ТУ 02-01565 31.10.2016 йылдан.
Редакция хеҙмәткәрҙәре
Мөнир Сәхиулла улы ҠУНАФИН - баш мөхәррир
Әхмәр ҒҮМӘР-ҮТӘБАЙ - баш мөхәррир урынбаҫары
Луиза КИРӘЕВА - яуаплы сәркәтип
Гөлнара ХӘЛФЕТДИНОВА - бүлек мөхәррире
Салауат ӘБҮЗӘР - бүлек мөхәррире
Илнур ЮЛБАРЫҪОВ - бүлек мөхәррире
Миңзәлә АСҠАРОВА - сайт буйынса өлкән мөхәррир
Дилбәр ИШМОРАТОВА - өлкән корректор
Фәрзәнә ТУЛЫБАЕВА - биҙәлеш мөхәррире
Мөхәрририәт
Айгиз БАЙМӨХӘМӘТОВ
Таңсулпан ҒАРИПОВА
Гөлсирә ҒИЗЗӘТУЛЛИНА
Неля ҒӘЙНЕТДИНОВА
Тамара ҒӘНИЕВА
Әхмәр ҒҮМӘР-ҮТӘБАЙ
Йомабикә ИЛЬЯСОВА
Луиза КИРӘЕВА
Зөлфиә ХАННАНОВА
Гөлнара ХӘЛФЕТДИНОВА
Салауат ӘБҮЗӘР
Әмир ӘМИНЕВ
Азамат ЮЛДАШБАЕВ
Гөлнур ЯҠУПОВА
Банкта беҙҙең реквизиттар: журнал «Агидель», ИНН:0278066967/КПП027843012
БИК:048073770
к/с 30101810600000000770
р/счет №40602810200000000009
Филиал ПАО “БАНК УРАЛСИБ” в г. Уфа
Телефон
8(347)2-92-77-66
Электрон почта
Адресы
г. Уфа, ул. 50 лет Октября, 13, 5-й этаж
Реклама хеҙмәте
8(347)2-92-77-66
Редакция
8(347)2-92-77-66
Ҡабул итеү бүлмәһе
8(347)2-92-77-66